Campamento de Verán para nenos e nenas do Corgo, de entre 3 (sempre que amosen autonomía para as actividades básicas) e 16 anos.

 O PAVILLÓN abrirá ás 8:40 da mañá se as familias solicitan na inscrición a recollida a esa hora.

Trátase de favorecer a conciliación da vida familiar e laboral no periodo de vacacións de verán, e ao mesmo tempo darlle aos nenos/as a opción de disfrutar dun tempo de ocio san e divertido, facilitando a convivencia e as relacións sociais entre eles.

As actividades comenzan ás 9:00 h da mañá e rematan as 15:00 h, dende o 30 de xuño ata o día 5 de setembro. A hora de entrada e saída  é orientativa, poden sair antes ou entrar máis tarde, avisando sempre para favorecer a coordinación dos monitores. Haberá sempre un mínimo de dous monitores por semana.

Os usuari@s traerán bocadillo e auga para mediamañá, así como visoiras, roupa e calzado cómodo. O equipo de monitores informarán diariamente  de calquera outra necesidade. A roupa debe de vir marcada para evitar extravios.

O custe do campamento desglósase semanalmente, pero para facilitar a programación, e preciso que haxa unha previsión anticipada de cada semana  quincena ou mes, amosando xa na inscricion cantas e cales son as   semanas para as que se precisa o campamento.

 O custe da semana é de 5 euros para os nenos/as do Corgo e 10 para os que non estén empadronados. (Terán preferencia os nenos/as do Corgo, así como de país/nais traballadores no municipio, alumnos/as do Ceip do Corgo). De quedar vacantes poderán optar calquera outro neno, atendendo en primeiro lugar a fillos/as descendentes  de xente vinculada a este concello)

As actividades desenvólvense no Polideportivo do Corgo e inmediacións do Colexio, e estarán a cargo dunha empresa de Tempo libre con experiencia neste tipo de actividades. Cando as condición metereolóxicas sexan favorables o campamento trasladarase á praia fluvial río Chamoso e piscina municipal, sempre con prévio aviso e asinando autorización ou permiso para actividades acuáticas. Nas xornadas na praia fluvial os nenos deixaranse e recolleránse no Chamoso.

Inscricións ata o 13  de xuño, no Centro Sociocultural do Corgo.

Número máximo de participantes será de 50. Respetarase sempre a orde de criterios de selección (padrón, etc..) e a orde de entrada da inscrición. A inscrición pode efectuarse  por rexistro no Centro  Sociocultural do Corgo ou nas oficians municipais.

Os menores con necesidades especiais sinalarán na inscrición as súas dificultades e grado de autonomia para o desenvolvemento do campamento e organización dos monitores.

                                             DATOS DE INTERESE:

•  Unha vez que se lle comunique que  a praza reservada coa inscrición, está aceptado/a,  deberase cubrir a solicitude/autorización  e aboar  a taxa na conta que se indica.
• Achegar o DNI  da persoa que autoriza oa menor a participar nas actividades.
• Libro de familia onde figure o menor e os datos da persoa que autoriza. Se fose família numerosa tamén se achegará copia do otitulo.
• Fotocopia da tarxeta sanitaria do  neno/a perfectamente lexible.
• A documentación complementaria non fará falta achegala si xa se aportou noutros procedementos desta Administración e non se produciron cambios.

Publicación no BOP. de Lugo do 21 de maio número 114 das bases que rexeran os procedementos selectivos para a contratación de persoal laboral temporal e formación de bolsas de emprego ao abeiro do convenio de colaboración subscrito entre a consellería de Medio Rural e a Entidade Local mediante a realización de tratamentos preventivos en vías e camiños de titularidade municipal con tractor e a actuación de brigadas de prevención e defensa contra incendios.

XUNT@S PODEMOS ALIMENTAR SORRISOS.

CAMPAÑA DE RECOLLIDA DE ALIMENTOS PARA O BANCO DE ALIMENTOS DO 14 AO 23 DE MAIO.

PRECÍSASE:

-PASTA

-ARROZ.

PUNTOS DE RECOLLIDA:

-CEIP DO CORGO.

-SUPERMERCADO CASTRO-LAXOSA.

-SUPERMERCADO LA TIENDA

-SUPERMERCADO ATLÁNTICO.

-CONCELLO DO CORGO.

ORGANIZA CONCELLO DO CORGO EN COLABORACIÓN CO BANCO DE ALIMENTOS DE LUGO.

O Punto de Ateción á Infancia (PAI) do Concello do Corgo modifica os prazos da listaxe provisional de admitidos e a listaxe definitiva de admitidos do curso 2025/2026, á vista de que o prazo para facer as declaracións da renda (exercicio 2024) abrangue ata o día 30 de xuño de 2025, e son precisas para formalizar tanto as reservas de praza como as novas solicitudes de admisión (inscrición e matrícula).

Asemade, a listaxe provisional de admitidos será publicada o 4 de xullo na páxina web do concello do Corgo https://www.concellodocorgo.com

Posteriormente, a listaxe definitiva de admitidos publicarase o 18 de xullo na páxina web do concello do Corgo.

• As andainas realizaránse o primeiro mércores de mes, ás 12 h.
• A xuntanza para a camiñada ubicaráse na entrada do Centro de saúde.
• Dirixido a tódalas idades.
• Duración: 20-30 minutos.
• Obxectivo: facer exercicio a pasar un bó rato.
• Actividade organizada polo Centro de Saúde do Corgo.

De conformidade co establecido no artigo 102.3 da Lei 58/2003, xeral tributaria, do 17 de decembro,
notifícase colectivamente a liquidación dos tributos e concellos que se citan:
Imposto sobre Vehículos de Tracción Mecánica, exercicio de 2025

• ABADIN, ALFOZ, ANTAS DE ULLA, BALEIRA, BARALLA, BARREIROS, BECERREÁ, BEGONTE, BÓVEDA, BURELA, CARBALLEDO, CASTRO DE REI, CASTROVERDE, CERVANTES, CERVO, O CORGO, COSPEITO, CHANTADA, FOLGOSO DO COUREL, A FONSAGRADA, FOZ, FRIOL, GUITIRIZ, GUNTÍN, O INCIO, LÁNCARA, LOURENZÁ, MEIRA, MONDOÑEDO, MONTERROSO, MURAS, NAVIA DE SUARNA, NEGUEIRA DE MUÑIZ, AS NOGAIS, OUROL, PALAS DE REI, PANTÓN, PARADELA, O PÁRAMO, A PASTORIZA, PEDRAFITA DO CEBREIRO, A POBRA DE BROLLÓN, POL, A PONTENOVA, PORTOMARIN, QUIROGA, RÁBADE, RIBADEO, RIBAS DE SIL, RIBEIRA DE PIQUÍN, RIOTORTO, SAMOS, SARRIA, O SAVIÑAO, SOBER, TABOADA, TRABADA, TRIACASTELA, O VALADOURO, O VICEDO, VILALBA, XERMADE e XOVE.
  Os Padróns poderán ser consultados polos interesados na Deputación Provincial de Lugo/ Servizo de Xestión, Recadación e Inspección Tributaria (Ronda Muralla, núm. 140- Pavillón 1- CP 27004- Lugo) e no Concello correspondente, durante o prazo de QUINCE DIAS contados a partir da publicación deste anuncio no Boletín Oficial da Provincia.
  As liquidacións obxecto de notificación colectiva teñen carácter provisional segundo o disposto no art. 101.4 da Lei Xeral Tributaria e, en contra destas, poderase interpoñer recurso de reposición perante o órgano competente do Concello, no prazo DUN MES, a contar dende o día seguinte da finalización do prazo de exposición. Poderase exercitar, non obstante, calquera outro recurso que se considere procedente. Todo iso, en virtude co establecido no art. 14.2 do Texto refundido da Lei reguladora das Facendas locais.
  
  ANUNCIO DE COBRANZA
  Recadacion en período voluntario de débedas tributarias de vencemento periódico.
  De conformidade co establecido nos artigos 24 e 25 do Regulamento xeral de recadación, aprobado por Real decreto 939/2005, do 29 de xullo, comunícase que o prazo de ingreso en período voluntario do Imposto sobre Vehículos de Tracción Mecánica, exercicio de 2025, relacionados abaixo, empezará a contar o 15/04/2025 e finalizará o día 16/06/2025, ambos os dous incluidos.
  Relación de tributos e concellos:
  Imposto sobre Vehículos de Tracción Mecánica:
• ABADIN, ALFOZ, ANTAS DE ULLA, BALEIRA, BARALLA, BARREIROS, BECERREÁ, BEGONTE, BÓVEDA, BURELA, CARBALLEDO, CASTRO DE REI, CASTROVERDE, CERVANTES, CERVO, O CORGO, COSPEITO, CHANTADA, FOLGOSO DO COUREL, A FONSAGRADA, FOZ, FRIOL, GUITIRIZ, GUNTÍN, O INCIO, LÁNCARA, LOURENZÁ, MEIRA, MONDOÑEDO, MONTERROSO, MURAS, NAVIA DE SUARNA, NEGUEIRA DE MUÑIZ, AS NOGAIS, OUROL, PALAS DE REI, PANTÓN, PARADELA, O PÁRAMO, A PASTORIZA, PEDRAFITA DO CEBREIRO, A POBRA DE BROLLÓN, POL, A PONTENOVA, PORTOMARIN, QUIROGA, RÁBADE, RIBADEO, RIBAS DE SIL, RIBEIRA DE PIQUÍN, RIOTORTO, SAMOS, SARRIA, O SAVIÑAO, SOBER, TABOADA, TRABADA, TRIACASTELA, O VALADOURO, O VICEDO, VILALBA, XERMADE e XOVE.
  O ingreso das débedas realizarase en calquera oficina da Entidade ABANCA, “La Caixa” – Caixabank SA, Banco Bilbao Vizcaya Argentaria S. A. (BBVA) e Banco Sabadell S.A., e Caixa Rural Galega S.C.C.L.G en días laborables, de luns a venres, de 08:30 a 14:00 h, na que se presentará o documento de ingreso que se envía, por correo, aos domicilios dos contribuíntes. As persoas que non reciban ou extravíen o documento de ingreso, poderán solicitar un novo na oficina da entidade bancaria e realizarán, igualmente, o pagamento. O ingreso poderá realizarse por calquera canle habilitada en horario ampliado (caixeiros automáticos, internet, banca electrónica).
  Tamén pode realizarse o pago na Sede Electrónica da Deputación, Portal do Contribuínte, por delegación do seu Concello, que é o que envía o Padrón para o cobro. Ou mediante xiro postal dende calquera oficina de Correos (Sociedad Estatal Correos y Telégrafos).
  O pagamento dos citados tributos poderase domiciliar, para anos sucesivos, en caixas de aforros, bancos e demais entidades financeiras. Para este trámite será necesario cubrir o impreso de domiciliación que acompaña ao documento cobratorio e remitilo ao Servizo de Xestión Tributaria e Recadación, ou ben entregalo en calquera das entidades citadas, cando a domiciliación se refira a unha conta aberta nas mesmas.
  Infórmase tamén que, transcurrido o prazo de ingreso en período voluntario, as débedas faranse efectivas pola vía de constriximento e serán esixibles as recargas do período executivo e os xuros de mora correspondentes, tal como estipulan os artigos 26 e 28 da Lei 58/2003, do dezasete de decembro, xeral tributaria e, se é o caso, as custas que se produzan.

O venres, día 25 de abril, ás 20:00 horas, celebrarase no Punto de Atención á Lectura do Corgo (PALCO) un encontro co autor do libro galardonado co VI premio de poesía Eduardo Pondal pola obra “MALDITA ETERNIDADE“, Manuel Vázquez. O clube de lectura organiza unha xuntanza para a presentación e debate sobre a súa obra e a súa traxectoria como escritor, convidando a tódolos interesados a asistir.