AUTORIZACION CON LIMITACIÓNS DE USO DE MAQUINARIA.
Resumo do disposto no artigo único da Orde do 23 de xuño de 2026 pola que se regula a utilización da maquinaria durante a época de perigo alto, nos supostos de índice de risco de incendio forestal moi alto ou extremo.
AUTORIZACIÓN XERAL:
-Durante a época de perigo alto de incendio forestal, cando o IRDI acade os niveis de moi alto ou estremo, autorízase a realización de traballos e actividades de caracter preventivo, silvícola ou agrícola que requiran o emprego de maquinaria agrícola ou forestal dentro dos terreos forestais e das súas zonas de influencia dos concellos afectados, nos termos e coas recomendacións establecidas no PLADIGA 2026.
CONDICIONAMENTE HORARIO
-Na franxa horaria das 12:00 ás 18:00 horas, esta autorización quedará condicionada ao cumprimento dos requisitos establecidos no número 3.
REQUISITOS OBRIGATORIOS ( de 12:00 a 18:00h)
Para o desenvolvemento dos devanditos traballos e actividades, será obrigatoria a disponibilidade inmediata dos seguintes medios persoais e materiais de extinción:
-Medios persoais
Unha persoa en funcións de auxiliar, cuxa función será a detección temperá de posibles conatos deincendio e a notificación inmediata aos servizos de emerxencia a través das liñas telefónicas 085 ou 112 ou da aplicación móbil ALUME.
-Medios materiais.
Un vehículo equipado con, como mínimo:
-Depósito de auga cunha capacidade mínima de 400 litros.
-2 batefuegos.
-1 extintor de escuma con base de auga dunha capacidade non inferior a 6 kg
-1 mochila extintora cunha capacidada mínima de 15 litros.
En todo caso o cumprimento destas medidas preventivas e das condicións establecidas pola normativa vixente NON EXIME das responsabilidades que poidan derivar da provocación dun incendio forestal.
Esta orde non perxudica a aplicación dos artigos 31 e 39 da Lei 3/2007 do 9 de abril, de prevención e defensa contra os incendios forestais de Galicia, aplicables enxeral ao uso de maquinaria e equipamento durante a época de perigo alto de incendio.
