Grazas ao Proxecto CORGORAL e ao Colectivo Desastre xa podemos gozar no Corgo  da irrepetible mostra fotográfica temporal AbandonARTE. Ao longo deste segundo trimestre do ano 2023 permanecerá nas instalacións da biblioteca do PALCO – Punto de Atención á Lectura do Corgo.Trátase dun total de quince paneis con imaxes que recollen e poñen de manifesto a decadencia e o abandono dos edificios públicos que noutrora tiveron unha vida e que ofreceron un servizo á sociedade. Cada fotografía garda e conta unha historia de abandono e desleixo que nos quere facer cavilar sobre a importancia dos bens comúns e sobre a necesidade de xestionalos axeitadamente para evitar que rematen arruinados e comestos polo tempo. As persoas interesadas en visitar esta mostra poden concertar unha visita guiada chamando ao 676-862-924 ou enviando un correo a proxecto.corgoral@gmail.com Achégate á biblioteca do PALCO e goza destas marabillosas fotografías!

DÍAS : 13 E 14 DE MAIO DO 2023.

HORA DE INICIO 10:00 AM NO CLUB DE BILLAR ADAI.

WWW.CLUBDEBILLARADAI.COM / @CLUBDEBILLARADAI / 605 37 93 23

Xa podedes consultar o cartel con todos os detalles do programa do completísimo programa para o serán deste sábado: o Concello do Corgo, a través do Proxecto CORGORAL, celebra o primeiro ano de vida da biblioteca do Punto de Atención á Lectura do Corgo (PALCO). O programa de actividades comezará ás 18h e incluirá unha mostra fotográfica temporal, música tradicional, feira do libro… e un recital acústico co Encontro de Poesía Ibérica no Corgo, ao que acudirán unha ducia de escritores e cantautores procedentes dos máis variados recunchos de Galicia, Portugal e León para declamar os seus poemas e animar esta foliada coa música e a palabra. Achégate á biblioteca do PALCO e celebra connosco esta Festa da Música, da Cultura e dos Libros!! Xa chegou o Festival EPICO no PALCO!!https://axendacultural.aelg.gal/2023/04/21/o-corgo-primeiro-aniversario-do-punto-de-atencion-a-lectura/

O Concello do Corgo, a través do Proxecto CORGORAL, celebra o vindeiro sábado 22 de Abril unha festa da cultura para conmemorar o primeiro ano de existencia da biblioteca do Punto de Atención á Lectura. Aproveitamos esta efeméride, e a da Semana do Libro e da Lectura para festexar a oralidade e os valores humanistas transmitidos a través das palabras ditas, recitadas ou cantadas. E para iso, nada mellor que acoller ás persoas que se acheguen ao PALCO e ofrecerlles de balde unha chea de libros, imaxes, música e poesía! O programa de actividades comezará ás 18h do serán e incluirá diversos eventos: mostra fotográfica, música tradicional, feira do libro, recital poético ibérico…

Achégate á biblioteca do PALCO e celebra connosco este cumpreanos!!

O Concello do Corgo, a través do Proxecto CORGORAL e coa colaboración das asociacións culturais Vagalumes e Arumes, organiza as Primeiras Xornadas sobre o Patrimonio Cultural do Corgo, dedicadas nesta ocasión á divulgación, defensa e posta en valor dun particular aspecto da nosa arte relixiosa popular: os cruceiros e as cruces de pedra.

Para acadar estes obxectivos programáronse diversas actividades ao longo deste trimestre: en primeiro lugar, durante os meses de Febreiro e Marzo realizouse no Punto de Atención á Lectura do Corgo (PALCO) unha exposición temporal sobre Castelao como estudoso, artista e debuxante, titulada A Bretaña que hai en nós.

Por outra banda, o sábado 4 de Febreiro contamos coa presenza do museólogo e membro da Real Academia Galega de Belas Artes Sr. D. Felipe-Senén López Gómez, que impartiu unha conferencia maxistral sobre As cruces de pedra nos confíns da Europa Atlántica.

Para rematar estas Primeiras Xornadas sobre o Patrimonio Cultural do Corgo, o concello organiza no Punto de Atención á Lectura o vindeiro sábado 1 de Abril ás 18:30h unha visita comentada á exposición, ás 19:00ha proxección do vídeo titulado “As cruces de pedra na Bretaña” e ás 20:00h unha conferencia impartida por Fernando Arribas, presidente da Asociación Galega de Amigos das Cruces de Pedra, sobre Os cruceiros no concello do Corgo. Agardamos que estas xornadas sexan de interese para toda a veciñanza corguesa e que tamén sirvan para difundir e poñer en valor o noso rico e variado Patrimonio Cultural.

( ASOCIACIÓNS OS CINCO RIOS DO CORGO E A ASOCIACIÓN LUGO SEMPRE).

ORGANIZAN A SÚA PRIMEIRA CONFERENCIA SOBRE:

“ENFERMIDADES CRÓNICAS MÁIS FRECUENTES”, A CARGO DA DRA. LUISA VELASCO, MÉDICO ESPECIALISTA EN MEDICINA FAMILIAR E COMUNITARIA, E MÉDICO ESPECIALISTA EN XERIATRÍA E XERONTOLOXÍA.

DÍA: 26 DE MARZO ÁS 12:00 HORA

CENTRO SOCIOCULTURAL DO CORGO.

O mércores, día 22 de marzo, o Centro de Día do concello do Corgo celebra o seu XIV aniversario, e contará coa presenza da artista do Incio LUCÍA PÉREZ que deleitará aos asistentes ao centro de maiores co seu último traballo musical “La Penúltima”, canción que os usuarios /as están coñecendo e practicando para acompañar a Lucía.

Á actuación estarán convidadas tódalas familias así como o público que queira achegarse ás 12:00 h da mañá ata o Centro .

Así mesmo, o día 23 de marzo, xoves, ás 15:00 h, continuarán os festexos do aniversario, e ofrecerase a actuación do violinista RODRIGO VÁZQUEZ e a pianista BENY ARGÜELLES , que presentarán un repertorio de bandas sonoras de películas.

Ao remate, convidarase aos presentes a un aperitivo.

DOMINGO 12 DE MARZO A PARTIR DAS 10:00 HORAS.

XUNTO A CÁMARA AGRARIA.

CONTINUARASE CELEBRANDO OS SEGUNDOS DOMINGOS DE CADA MES.

Haberá postos de vendedores ambulantes (roupa, calzado, etc.. tipo mercadillo de Frigsa), e ademáis calquera persoa particular que teña algo pola casa que non use e queira vender, da igual que sexa ,(roupa, xoguetes, mobles, maquinaria, prantas, etc) Tamén poderán poñer o seu puesto.

Actuación de ” A LEGUA DEREITA” do Corgo.

As persoas interesadas en levar algo para vender deberán inscribirse no tel. 686625657 (Chousa)

ORGANIZA: ASOCIACIÓN CINCO RIOS.

COLABORA: CONCELLO DO CORGO, VICEPRESIDENCIA DA DEPUTACIÓN DE LUGO.

DATA: O sábado 11 de marzo de 2023

LOCAL: Centro Sociocultural do Corgo.

HORARIO: A partir das 16:00 h.

Inscricións por parella 50 puntos ( cea incluída).

Os que só participen na cea pagarán 12 puntos.

INSCRICIÓNS ANTES DO 9 DE MARZO.

PREMIOS:

• 1º PREMIO : 1000 PUNTOS + 2 XAMÓNS.
• 2º PREMIO: 500 PUNTOS.
• 3 º PREMIO: 250 PUNTOS.

REPESCA:

PRIMEIRO: 2 XAMONS.

SEGUNDO: 2 PALETILLAS.

TERCEIRO: 2 QUEIXOS.

Máximo 64 parellas.

Os premios poden variar en función do número de parellas inscritas.

Teléfonos de inscrición: 670833939-648063894.

Organiza : Asociación Cinco Ríos

Colabora: Concello do Corgo, Jamones Jacob, Torre de Núñez, Jamones González.

O Punto de Atención á Infancia (PAI), en colaboración co Proxecto CORGORAL, organiza este xoves 16 de Febreiro na biblioteca do Punto de Atención á Lectura do Corgo (PALCO) o desfile de disfraces da rapazada mais cativa do noso concello.

A partir das 11:30 os familiares dos escolares procederán a entrar ordenadamente na biblioteca, onde sentarán correlativamente por orde nos lugares que lles indicará o persoal. Posteriormente, ás 12:00h e unha vez que os adultos estean axeitadamente sentados nos seus lugares, entrarán os escolares disfrazados, dando así comezo oficial ao desfile de Entroido no Punto de Atención á Lectura.

Na biblioteca está a decorrer unha exposición fotográfica temporal titulada A Bretaña que hai en Nós: Castelao e as cruces de pedra, concibida pola Asociación Cultural Vagalumes.A mostra, composta por vinte e seis paneis, estará aberta ao público durante os meses de febreiro e marzo.

Os organizadores rogan aos adultos que sigan en todo momento as instrucións do persoal do PAI-PALCO e que sexan puntuais na asistencia a esta actividade. Moitas grazas.