• Convócase un curso organizado polo ISSGA ( Instituto de Seguridade e Saúde Laboral de Galicia) da Consellería de Promoción de Emprego e Igualdade para o concello do Corgo para

PREVENCIÓN DE RISCOS LABORAIS NO MANEXO DA MOTOSERRA E ROZADOIRA

• O Curso desenvolverase no Concello do Corgo, durante tres xornadas (DIAS 9, 10, 11 de Outubro de 2023) , dende as   15:30 h ata as 20:30 horas. Terá unha  duración de 15 horas presenciais e de carácter GRATUITO. Ao remate do curso o ISSGA expedirá certificado de asistencia ao alumnado.

• Número de prazas : 15

• As solicitudes de inscrición realizaránse ata o dia 05/10/2023,   poderán facerse no Centro Sociocultural do Corgo en horário de mañá  ( teléfonos  982302377 ou no 620731543),ou ben achegando ao   correo electrónico issga.formación@xunta.gal  a seguinte documentación:
  • A copia do   DNI 
  • Formulario  (anexo II )  que se recolle no na web do Issga http://issga.xunta.gal, no apartado de documentación .

•    Máis informacion nos teléfonos 981551704/659515371  na web do ISSGA http://issga.xunta.gal, ou nos teléfonos 982302377 ou 620731543.

ACTO PÚBLICO ABERTO NA BIBLIOTECA DO PALCO DO CORGO. (PUNTO DE ATENCIÓN Á LECTURA)

O vindeiro sábado 23 de Setembro, por iniciativa do Proxecto CORGORAL, celebramos
unha nova xornada cultural na biblioteca do Punto de Atención á Lectura do Corgo. As
actividades programadas para este serán son unha dobre presentación literaria e unha charla
de temática histórica.
A partir das 18h, Eladio Castedo, escritor corgués e veciño de Chousa, dará a coñecer
as súas dúas últimas creacións literarias: La rosa del azafrán e Parejo al tiempo. O autor
conversará co público asistente sobre os seus libros e sobre o proceso da escrita desde unha
perspectiva autodidacta.
Máis logo, por volta das 19h, será a vez de Xosé Luís Pérez Castro, avogado corgués e
veciño de Sabarei, quen impartirá a conferencia titulada “Galicia: un nome para dous reinos”.
Neste faladoiro, acompañado por numerosa cartografía histórica, disertará sobre as varias
Galicias europeas: a ibérica e a eslava, salientando as súas semellanzas e diferenzas. Así que xa
o sabedes: agardamos por vós, na biblioteca do PALCO, a tardiña deste sábado!

REPRESENTACIÓN DA OBRA MUDANZAS, POLO GRUPO UBÚ TEATRO.

LOCAL SOCIAL DE CELA- PONTE DE NEIRA.

DIA 23 DE SETEMBRO ÁS 21 HORAS.

ENTRADA GRATUITA

CIRCUITO DA DEPUTACIÓN PROVINCIAL DE LUGO. ÁREA DE CULTURA.

Grazas a unha nova iniciativa do Proxecto CORGORAL, o Concello do Corgo estivo
presente no XVI Congreso Internacional de Antropoloxía celebrado a semana pasada na
cidade da Coruña. Esta reunión científica, na que participaron mais de setecentos especialistas
oriundos de diversas institucións europeas e latinoamericanas, foi organizada conxuntamente
por AGANTRO – Asociación Galega de Antropoloxía e ASAEE – Asociación de Antropología
del Estado Español.
O congreso artellouse nun total de corenta e un simposios temáticos, entre os que
destacou, por ter sido o máis concorrido, o monográfico titulado “Memorias desencadeadas:
reciclaxes do pasado no presente e no futuro”, coordenado por Francisco Ferrándiz Martín, do
CSIC – Consello Superior de Investigacións Científicas. Neste simposio foi presentada con gran
éxito e moito interese por parte do público asistente unha comunicación específica sobre as
recollas da memoria oral relativas á parroquia corguesa de Adai.

Resolución na que se contén a seguinte LISTA PROVISIONAL DE ADMITIDOS E EXCLUIDOS PARA PARTICIPAR NO PROCEDEMENTO SELECTIVO PARA CUBRIR, interinamente mediante proceso libre dunha praza de auxiliar administrativo posto base e encargado/a da secretaría do xulgado de paz, da escala de administración xeral.

O día 13 de setembro de 11 a 14:00 horas, diante do Centro Sociocultural.

Sesión de axuda no uso das novas tecnoloxias, dudas e cuestiones xerais.

Sesión organizada pola Cruz Vermella en colaboración coa Amtega

Impartirase no Concello do Corgo no centro Sociocultural.

Data de celebración: 7 de setembro do 2023

Horario: de 16:00 a 20:00 horas.

Anotarse chamando ao 982818935