– Aberto o prazo de inscrición para participar na liga de fútbol-sala do Corgo.
– Inscrición: 50 euros/ equipo. (Os equipos que teñan depósito da liga anterior non terán que aportalo). Podéndose inscribir: no Centro sociocultural do Corgo, a través do Pavillón municipal, no    982302377 ou 620731543. Ata o 30 de setembro.
 -Partidos: Xogaranse ás 9.30 e 10.30 da noite , os días concretaranse en función ao número de equipos.
– Arbitraxe: 24 euros (12/ equipo ou costexar a totalidade o equipo que figure como “local” esa xornada)
– Premios en metálico.
– Inicio da liga : outubro do 2016

O Concello do Corgo preselecciona un TÉCNICO DE ORIENTACIÓN LABORAL. Os candidatos deberán contar cos requisitos de titulación establecidos na Orde do 29 de decembro do 2015 pola que se establecen as bases reguladoras para a concesión de subvencións para a contratación de persoal técnico para a realización de actividades de información, orientación e prospección de emprego no exercicio 2016, é dicir:

–      Título de licenciada/o universitaria/o, arquitecta/o, enxeñeira/o ou grao ou

–      Título universitario de enxeñeira/o técnico, diplomado/a universitario, arquitecta/o técnico ou grao.

Ademáis establécese un baremo de puntuación, que é o establecido no Artigo 10.2 da citada Orde, e que se facilitará nestas oficinas municipais, xunto coa forma de acreditar os méritos, ou a través da páxina web www.concellodocorgo.com.

As persoas interesadas poderán presentar as solicitudes de participación nesta preselección no Rexistro do Concello do Corgo durante o prazo de 8 días hábiles, a contar dende o seguinte á publicación deste anuncio no Diario El Progreso, achegando xunto coa mesma un currículum vitae acreditando da maneira establecida os méritos que se alegan.

Finalmente, unha vez preseleccionado/a o candidato/a, será o Servizo de Orientación Laboral da Dirección Xeral de Orientación e Promoción Laboral quen realice a baremación final do técnico/a preseleccionado.

INSTANCIA PARA A PRESELECCIÓN DUN TÉCNICO EN ORIENTACIÓN LABORAL.

BAREMO DE PUNTUACIÓN PARA A PRESELECCIÓN DUN TÉCNICO EN ORIENTACIÓN LABORAL

Festa do avó do Corgo. 

COMIDA DE CONFRATERNIDADE.

– Día: 06 de setembro do 2016. Martes.

-Lugar: Polideportivo do Colexio do Corgo.

– Prezo:

• 5€ persoas empadroadas maiores de 60 anos.
• 10 € persoas non empadroadas  maiores de 60 ano

– Horario:

• 13:30 h. Eucaristía.
• 14:30 h. Xantar.

Outras actividades:

• Actuacións dun dúo musical, baile,…
• Sorteo de agasallos, etc..

NOTA: As tarxetas retiraránse no Concello ata o día 2 de setembro (venres), en horario de 10:00 a 12:00 h.É imprescindible presentar as invitacións para acudir á comida.

Dende a Asociación de mulleres Empresarias da provincia de Lugo, ( AELU) e a Asociación E-deid@des para a integración laboral e social da muller, estase levando a cabo un proxecto subvencionado pola Xunta de Galicia para as mulleres da provincia de Lugo baixo dúas liñas de acción:

– Mulleres desempregadas en búsqueda de emprego 3.0

– Mulleres emprendedoras que queiran emprender.

Estas asociacións loitan pola inclusión da muller  no mundo laboral dende un emprendemento responsable, potenciando o autoemprego, polo que este proxecto ofrece entre outros puntos, orientación, información, motivación, adquisición de habilidades socio-laborais para poder competir no mundo laboral, …

De xuntarse dez mulleres interesadas, poderíase levar a cabo  esta proposta no propio concello, sen necesidade de desprazarse a Lugo, que  é a outra alternativa.

Para máis información, podeis poñervos en contacto  con AEULU, ( Avd. da Coruña, 500,1ª planta Edif. CEI-NODUS)  nos teléfonos 982226991-655947735-982200455 ou en www.empresariaslugo.org

Celebración da XIII edición da festa na praia fluvial do río Chamoso. Congregación de música folk e baile tradicional galego, artesanía, a malla do Corgo, e exposición de maquinaria agrícola clasica. Actividades para os nenos, batuxada no Chamoso e acampada libre. Peche cunha queimada.

Segundo o establecido  na base vixésimo primeira do prego de cláusulas administrativas particulares que rexerá a contratación das obras:

“Pavimentación de vías municipais entre os núcleos de poboación de O Canteiro (Castroverde) e Adai ( O Corgo)”,

“Mellora e mantemento de accesos a Sabarei de Arriba- Revolta; Ctra. Farnadeiros- Sabarei; O Novo-LU 546 – Manán de San Cosme-Hospital; de CM 014-039 (N.VI- Vilaceleiro) -a Segovia e de Queizán de Abaixo aos Muiños”,

a mesa de contratación para a apertura de plicas reunirase o día 11 de xullo, luns, ás 10:00 horas, no Salón de sesións da Casa do Concello.

Ábrese o prazo para solicitar as actividades para nenos e nenas no verán.

Mais información non  982302377 ou no correo omix.ocorgo@gmail.com

O Concello do Corgo lévate os xoves do verán ás praias. Para inscibirse é preciso chamar de luns a mércores , en horario de 10:00 h a 13:00 h, ao número de teléfono 618723269.

O horario habitual de saída é as nove da mañá, dende o edificio da antiga  Cámara Agraria do Corgo

• O precio das viaxes é

– Para os empadroados no Corgo, 6€ e 8€ (viaxes de Muxía e Samil)

-Para os non empadroados no Corgo , 10€ e 12€ ( viaxes de Muxía e Samil)

• Recoméndase traer o diñeiro para o  pago da viaxe xusto, evitando así problemas de cambio.
• Non se poderá realizar a viaxe, ou non se poñerá un segundo autobús, se non hai un mínimo de 20 persoas inscritas.
• As persoas que estén anotadas, ,e por calquera circunstancia non poidan realizar a viaxe, prégase que avisen con antelación suficiente.
• O destino poderá variar segundo as previsións metereolóxicas.

O equipo xuvenil do Concello do Corgo consegue proclamarse campión da V Copa Deputación xuvenil ao impoñerse ao Viveiro FC B na tanda de penaltis, despois de desputar un intenso partido que rematara sen goles.

Parabéns a estes rapaces e máis aos técnicos e persoal que rodea a este prometedor equipo.

No Bop do 2 de xuño publicase o anuncio do acordo do Pleno polo que se aprobou o expediente de contratación para a EXPLOTACIÓN DO SERVIZO DE CAFETERÍA-RESTAURANTE NO EDIFICIO AULA DE INTERPRETACIÓN DO RÍO CHAMOSO, e se procede  á apertura do procedemento de adxudicación.

Licitación cafetería-restaurante aula interpretación Río Chamoso